Hatred Hindi Poem ~ Teri ab itni aukaat nahi!

Hai pehli dafa nahi ki tune uska dil dukhaya hai,

Kisi aur ko tune apna mehboob banaya hai..

Ek baar fir tune uska pyaar azmaya hai..

Jo uska tha woh toh badal gaya,

Yeh jo naya banke aaya hai usme pehle jaisi baat nahi..

Tu gira paaye usse apne pyaar mein firse, teri ab itni aukaat nahi..

Hai sach ki tune usse ek baar fir thukraya hai,

Khud ki asliyat se rub-ru karaya hai..

Tu saath rahe uske aisi ab uski koi darkhaast nahi,

Woh pehle jaisi teri hayat nahi..

Tu rula paaye usse apne pyaar mein firse,

Teri ab itni aukat nahi..

Hai sach ki usne tujhe khokar khudko paya hai..

Apne zakhmi kadmo ko usne ek naye ghar ki oor badhaya hai,

Ek baar fir usne apne bikhre dil ko jod kar kalam uthaya hai..

Tujhse firse mulakaat kare, itni woh agyaat nahi..

Tu bhula de usse.. kyunki ab usse fasane ki teri aukaat nahi!