One Sided Love Poem ~ Zaroori hai!

Kisiko pyaar karne ke liye uska sath hona zaroori hai kya?

Uska ehasaas kaafi nahi? Tum uske liye khaas ho yeh zaroori hai kya?

Woh tumhare paas har pal ho, tumhara uske sath har kal ho.. zaroori hai kya?

Baat uski sabse nahi, tumhari baat sirf usse ho Zaroori hai kya?

Raatein usse baatein karke beetein zaroori hai kya?

Usse beintehaan mohabbat karne ke liye uski manzuri zaroori hai kya?

Uske bina har subah uski yaadon se karna zaroori hai..

Uski naa maujudgi mein bhi usse kiye huye vaadon ko nibhaana zaroori hai..

Usse ishq hai mujhe yeh usse batana zaroori nahi, jatana zaroori hai.. Kisi aur ka hath tham ke usse jalana zaroori nahi, uski purani tasveer ko seene se laga ke apni khooshboo se mehkaana zaroori hai..

Uski hasi ko bhulana zaroori nahi, uski muskarahat se qurbat karke gungunana zaroori hai..

Uske sath na hokar bhi ussi ke sath rehna, majboori nahi,

zaroori hai..